Urdu Poetry – Best Urdu Shayari & Ghazals Collection - DARWAISH۔WRITES

Poet:مینا نقوی

By: Darwaish۔writes

کس طرح چبھتے ہوئے خار سے خوشبو آئے 

پھول ہوں لفظ تو اظہار سے خوشبو آئے 

ننھے غنچوں سے کھلا رہتا ہے آنگن دل کا 

یوں مہکتی ہوں کہ گھر بار سے خوشبو آئے 

گردش وقت کی تاریکی سے ڈرنا کیسا 

ساتھ ہو وہ تو شب تار سے خوشبو آئے 

جذبۂ دل میں جو سچائی کی دھڑکن ابھرے

عشق لوبان بنے پیار سے خوشبو آئے 

بس وہی لوگ محبت کے ہیں قابل مینا

 
جن کے اعمال سے کردار کی خوشبو آئے